ఢిల్లి పీఠం కైవసం చేసుకున్న బిజేపీ..48 స్థానాలతో విజయకేతనం
న్యూఢిల్లీ: ఉత్కంఠ భరితంగా కొనసాగిన ఢిల్లీ అసెంబ్లీ ఎన్నికలలో బీజేపీ (BJP) కూటమి ఘనవిజయం సాధించింది. 70 అసెంబ్లీ స్థానాల్లో అధికారానికి అవసరమైన మెజారిటీ మార్క్ 36 స్థానాలను సునాయాసంగా దాటేసి 48 స్థానాలను గెలుచుకుంది. 22 స్థానాలతో ఆమ్ ఆద్మీ పార్టీ (AAP) రెండో స్థానంలో నిలిచింది. కాంగ్రెస్ (Congress) పార్టీ వరుసగా మూడోసారి కూడా ఒక్కసీటు కూడా గెలుచు కోకుండా హ్యాట్రిక్ 'జోరో'లతో చతికిలపడింది. బీజేపీ ఘనవిజయంతో 27 ఏళ్ల తర్వాత ఢిల్లీలో అధికార పగ్గాలు చేపట్టబోతోంది. సామాన్యుడినంటూ రాజకీయాల్లోకి వచ్చిన
అరవింద్ కేజ్రివాల్ 2015, 2026లో భారీ
అధిక్యతతో అధికారం కొనసాగించగా, ఈసారి
ముందస్తు ఎన్నికల ప్రచారం, అభ్యర్థుల జాబితా
విడుదల, మరిన్ని ఉచిత హామీ పథకాలు
ప్రకటించినప్పటికీ బీజేపీ వ్యూహాత్మక ప్రచారంతో
కోలుకోలేని దెబ్బకొట్టింది. 2025లో టార్గెట్ ఫిక్స్
చేసుకుని మరీ మోదీ, అమిత్ టీమ్ అనుకున్న
లక్ష్యం సాధించింది. ఢిల్లీ ఎన్నికలకు ముందే
బడ్జెట్ను (ఫిబ్రవరి 1)న బడ్జెట్ ప్రవేశపెట్టడం,
మధ్యతరగతి వర్గానికి ఊరట కలిగించడం సహా
అందుబాటులో ఉన్న అవకాశాలన్నింటినీ బీజేపీ
ఉపయోగించుకుంది. దేశంలోనే కేజ్రివాల్ అంత
అవినీతిపరుడు, అబద్ధాలకోరును చూడలేదంటూ
లిక్కర్ స్కామ్, శీష్ మహల్ వివాదాన్నిసమర్ధవంతంగా ప్రచారం చేసింది. బీజేపీ అధికారంలోకి వచ్చినప్పటికీ ఢిల్లీలో అమల్లో ఉన్న పథకాలను కొనసాగిస్తామని భరోసా ఇచ్చింది యమునా జలాల్లో బీజేపీ విషం కలిగిందంటూ కేజ్రివాల్ చివరి నిమిషంలో చేసిన ఆరోపణలను సైతం అంతే ధీటుగా తిప్పికొట్టింది. అవినీతికి చరమగీతం పాడతామని, అభివృద్ధికి పట్టం కడతామని ప్రజలను భరోసా ఇవ్వగలిగింది. బీజేపీ 'వికసిత్ ఢిల్లీ సంకల్ప్ పత్ర' మేనిఫెస్టో మంత్రం ఢిల్లీ ఓటర్లపై పనిచేయగా, అవినీతి మరకలు, కుంభకోణాలు ఆప్ పార్టీ పాలిట శాపంగా మారాయి. ఎగ్జిట్ పోల్స్లో చెప్పినట్టుగానే భారతీయ జనతా పార్టీకి ఢిల్లీ ప్రజలు పట్టంకట్టారు.
మోదీ అభివృ ద్దే గెలిచింది.
ఢిల్లీ లో బీజేపీ గెలుపు కు. సహకరించిన ప్రజలకు ప్రధాన మంత్రి నరేంద్రం మోదీ కృతజ్ఞతలు తెలిపారు. ప్రజల శక్తి అత్యున్నతమని, అభివృద్ధి, సుపరిపాలన గెలిచాయని అభివర్ణించారు. చారిత్రక విజయం అందించిన సోదరసోదరీమణులందరికీ అభినందనలు తెలిపారు. పార్టీని ఆశీర్వదించిన ప్రజలందరికీ కృతజ్ఞతలు చెప్పారు. ఢిల్లీ అభివృద్ధి, జీవన ప్రమాణాల పెరుగుదలకు కట్టుబడి ఇచ్చిన హామీలన్నీ నెరవేరుస్తామన్నారు. రేయింబవళ్లు గెలుపు కోసం కృషి చేసిన కార్యకర్తలను చూసి గర్విస్తున్నానని ట్వీట్ చేశారు.
Comments