కుష్టు వ్యాధిని ప్రాథమిక దశలోనే గుర్తించి చికిత్స తీసుకుంటే ఎలాంటి అంగవైకల్యం కలగదు జిల్లా వైద్య అధికారి డాక్టర్ నరేందర్ రాథోడ్

'ప్రాథమికదశ 'లో నే గుర్తించి చికిత్స తీసుకుంటే ఎలాంటి అంగవైకల్యం ధరికి చేరదు.

 " కుష్టు వ్యాధిని" ప్రాథమిక దశలోనే గుర్తించి చికిత్స తీసుకుంటే ఎలాంటి అంగవైకల్యం కలగదని జిల్లా వైద్య ఆరోగ్యశాఖ అధికారి డాక్టర్ నరేందర్ రాథోడ్ అన్నారు. శుక్రవారం మండలంలోని చాందా మైనారిటీ బాలుర పాఠశాల లో స్పర్ష్ లెప్రసీ అవేర్నెస్ క్యాంపెయిన్ లో భాగంగా ప్రాథమిక ఆరోగ్య కేంద్రం అంకోలి ఆధ్వర్యంలో అవగాహన కార్యక్రమాన్ని నిర్వహించారు. ఈ సందర్భంగా డి ఎం ఎం హెచ్ ఓ మాట్లాడుతూ మైకో బ్యాక్టీరియం లేప్రే అనే బ్యాక్టీరియా వల్ల కుష్టు వ్యాధి వస్తుందని అన్నారు.శరీరంపై పాలిపోయిన రాగి రంగు గల మొద్దు వారిన మచ్చలు,కాళ్లు చేతుల్లో తిమ్మిర్లు రావడం కుష్టు వ్యాధికి సంబంధించిన లక్షణాలు అని తెలిపారు. ఈ వ్యాధికి అన్ని ప్రభుత్వ ప్రాథమిక ఆరోగ్య కేంద్రాల్లో ఆసుపత్రుల్లో ఎం డి టి చికిత్సను అందిస్తున్నామని తెలిపారు. అనుమానిత లక్షణాలు ఉన్నవారు దగ్గరలోని ఆశా కార్యకర్తలను,వైద్య సిబ్బందిని,వైద్యులను ఆసుపత్రులనుసంప్రదించాలని సూచించారు. 

కుష్టు వ్యాధి గుర్తించడంలో జాప్యం జరిగితే అంగవైకల్యం సంభవిస్తుందని, అంగవైకల్యం సరి చేయడం కష్టతరంగా మారుతుంది అన్నారు. ప్రతి ఒక్కరూ కుష్టు వ్యాధి పై అవగాహన పెంపొందించుకొని, కుష్టు వ్యాధిని అంతం చేయడానికి సహకరించాలని పిలుపునిచ్చారు. జిల్లా కుష్టు నివారణ అధికారి  డాక్టర్ గజానన్ మాట్లాడుతూ కుష్టు వ్యాధి పట్ల ఎలాంటి భయాందోళనలు పెట్టుకోకుండా, అనుమానిత లక్షణాలు ఉన్నవారు సమీపంలోని వైద్యులను సంప్రదించి చికిత్సలు పొందాలని కోరారు. అనంతరం కుష్టు వ్యాధి నివారణకు పాటుపడుతామని ప్రతిజ్ఞ చేయించారు.ఈ కార్యక్రమంలో డిప్యూటీ పారా మెడికల్ అధికారి వామన్ రావు, ఎం ఎల్ హెచ్ పి. అశ్విని, ఆరోగ్య పర్య వేక్షకులు సుభాష్, ఏఎన్ఎం తార, ప్రిన్సిపల్ వందన, ఆశా కార్యకర్త పార్వతి పాఠశాల ఉపాధ్యాయులు విద్యార్థులు పాల్గొన్నారు.