" చావును ఆపగలిగే " ఒకే ఒక్క పువ్వు

ప్రతి మానవునికి జీవించడానికి ఆరోగ్యం ముఖ్యం  ఒ క్క చుక్క నిమ్మరసం పిండగానే రంగు మారిపోయే ఈ నీలి రంగు టీ మీ వృద్ధాప్యాన్ని నెమ్మదింపజేయగలదని మీకు తెలుసా? చూడ్డానికి ఇంద్రజాలంలా కనిపించే ఈ పానీయం వెనుక అద్భుతమైన యాంటీ ఏజింగ్ రహస్యాలు దాగి ఉన్నాయి. మన పూర్వీకులు ఈ పువ్వును సంస్కృతంలో 'అపరాజిత' అని పిలిచేవారు, అంటే దేనికి ఓడిపోనిది అని అర్థం. కణాల క్షీణతను అడ్డుకుని యవ్వనాన్ని కాపాడటంలో సహాయపడే అద్భుత పుష్పంగా దీనిని చాలామంది చావును ఆపగలిగే పువ్వు అని కూడా పిలుస్తుంటారు. ఇంతకీ ఈ పువ్వు ఏంటో కాదండి మన ఇళ్ల ముందే విరివిగా పూసే శంఖపుష్పం, దీనినే ఇంగ్లీష్‌లో 'బటర్‌ఫ్లై పీ ఫ్లవర్' అంటారు. ఈ పువ్వు అంతటి ముదురు నీలి రంగులో ఉండటానికి కారణం ఇందులో 'యాంతోసైనిన్స్' అనే శక్తివంతమైన యాంటీ ఆక్సిడెంట్లు అత్యధికంగా ఉండటమే. మనం ఈ బ్లూ టీ తాగినప్పుడు ఈ యాంటీ ఆక్సిడెంట్లు మన చర్మంలోని కొల్లాజెన్ దెబ్బతినకుండా కాపాడటంలో సహాయపడతాయి, దీనివల్ల చర్మంపై త్వరగా ముడతలు రాకుండా సహజమైన గ్లో రావటానికి ఇది ఎంతగానో తోడ్పడుతుంది. మరొక ఆసక్తికరమైన విషయం ఏంటంటే, ఈ పువ్వు మన మెదడులో 'ఎసిటైల్ కోలిన్' అనే ముఖ్యమైన న్యూరో ట్రాన్స్‌మిటర్‌ను పెంచడంలో సహాయపడుతుందని కొన్ని పరిశోధనలు సూచిస్తున్నాయి, ఇది జ్ఞాపకశక్తిని, ఏకాగ్రతను మెరుగుపరచడంతో పాటు అధిక మానసిక ఒత్తిడిని తగ్గించడానికి దోహదపడుతుంది. అంతేకాకుండా, ఇందులో ఉండే 'ప్రో యాంతోసైనిడెన్స్' కంటి నరాల్లో రక్త ప్రసరణను మెరుగుపరిచి, స్క్రీన్ టైమ్ వల్ల వచ్చే కంటి అలసటను తగ్గించడంలో ఎంతో మేలు చేస్తాయి. మరి ఈ మ్యాజికల్ బ్లూ టీని తయారు చేసుకోవడానికి, నాలుగైదు ఎండిన లేదా తాజా శంఖపుష్పాలను ఒక కప్పు వేడి నీటిలో వేసి ఐదు నిమిషాలు నాననివ్వాలి. ఆ తర్వాత పువ్వులను తీసేసి అందులో కాస్త నిమ్మరసం, రుచికి కొద్దిగా తేనె కలుపుకొని తాగవచ్చు, నిమ్మరసం కలపగానే ఆ నీలి రంగు పర్పుల్ రంగులోకి మారిపోతుంది. రాత్రి పడుకునే ముందు లేదా సాయంత్రం వేళలో ఈ టీ తాగటం వల్ల మంచి రిలాక్సేషన్ దొరుకుతుంది, ప్రకృతి మన పెరట్లోనే అందించిన ఇలాంటి అందమైన పువ్వులు మన ఆరోగ్యానికి నిజమైన రక్షణ కవచాలు.