విద్యార్థుల్లో పరిశోధనాత్మక ఆలోచనలకు జిజ్ఞాస వేదిక -జిల్లా కలెక్టర్ రాజర్షి షా

రాష్ట్రస్థాయి జిజ్ఞాస పోటీల్లో విశేష ప్రతిభ కనబరిచి బహుమతులు సాధించిన ఉమ్మడి ఆదిలాబాద్ జిల్లాకు చెందిన విద్యార్థులకు శుక్రవారం స్థానిక ప్రభుత్వ సైన్స్ డిగ్రీ కళాశాలలో బహుమతి ప్రదానోత్సవం నిర్వహించారు. కార్యక్రమానికి ముఖ్య అతిథిగా హాజరైన కలెక్టర్ ఐదు విజేత బృందాలకు నగదు బహుమతుల చెక్కులు అందజేసి అభినందించారు.

ఈ సందర్భంగా కలెక్టర్ మాట్లాడుతూ.. విద్యార్థులు తరగతి గదులకే పరిమితం కాకుండా క్షేత్రస్థాయిలో పర్యటించి, సమాజంలోని సమస్యలను అధ్యయనం చేయాలని సూచించారు. చరిత్ర, గిరిజన సంస్కృతి, అడవులు, వన్యప్రాణులు, గణితశాస్త్రం, స్మార్ట్ హెల్త్‌కేర్ సిస్టమ్స్ వంటి విభిన్న అంశాలపై విద్యార్థులు రూపొందించిన ప్రాజెక్టులు అభినందనీయమన్నారు. పుస్తక జ్ఞానంతో పాటు సమాజ సమస్యలను అన్ని కోణాల్లో విశ్లేషించి, వాటికి పరిష్కారాలు అన్వేషించే సామర్థ్యాన్ని పెంపొందించుకోవాలని సూచించారు.

విద్యార్థుల పరిశోధనలను జిల్లా స్థాయిలో మరింత ప్రోత్సహించి, వాటిని క్షేత్రస్థాయి సమస్యల పరిష్కారానికి ఉపయోగపడేలా చర్యలు తీసుకుంటామని తెలిపారు. ప్రాజెక్టుల రూపకల్పనలో ఎదురయ్యే లోపాలను గుర్తించి, ఎప్పటికప్పుడు సరిదిద్దుకుంటూ ముందుకు సాగాలన్నారు. చిన్నస్థాయి ప్రాజెక్టులతో ప్రారంభించి పీజీ, పీహెచ్‌డీ స్థాయిల వరకు పరిశోధనలను విస్తరించాలని సూచించారు. స్మార్ట్ ట్రాకింగ్ సిస్టమ్స్ వంటి వినూత్న ప్రాజెక్టులను ప్రదర్శనలకే పరిమితం చేయకుండా కళాశాలల ఆధ్వర్యంలో క్షేత్రస్థాయిలో అమలు చేసి ఫలితాలు సాధించాలని పేర్కొన్నారు. ఆదివాసీ గూడేల్లో నెలకొన్న మూఢనమ్మకాలు, విద్యకు దూరమవుతున్న పిల్లల సమస్యలను గుర్తించి, స్వచ్ఛంద విద్యా అవగాహన కార్యక్రమాల ద్వారా పరిష్కారానికి కృషి చేయాలని సూచించారు. పోటీల్లో సాధించిన నగదు బహుమతులను ఆయా ప్రాజెక్టుల అభివృద్ధి, విస్తరణకు వినియోగించాలని విజేతలకు సూచించారు.

ఈ కార్యక్రమంలో ప్రిన్సిపాళ్లు డాక్టర్ జె. సంగీత, డాక్టర్ అతీక్ బేగం, టి. ప్రతాప్ సింగ్, జిజ్ఞాస జిల్లా కోఆర్డినేటర్ డాక్టర్ అరుణ్ కుమార్, సూపర్‌వైజర్లు యోగలక్ష్మి, కట్ట రమేశ్, నర్సింగరావు, ఆర్. పృథ్వీరాజ్, స్రవంతి, అధ్యాపకులు జనార్దన్, జగ్రామ్, అంతర్వేది, ఆర్. సంతోష్ కుమార్, చక్రవర్తి, శ్రావణి, శ్రీధర్, జ్యోత్స్న, మంజుల, రమాకాంత్, రాజ్ కుమార్, రవికిరణ్, అష్రాఫ్ అలీ, శ్రావణ్ రాథోడ్, కరుణాకర్, శేఖర్, విజేత విద్యార్థులు తదితరులు పాల్గొన్నారు.

ఈ సందర్భంగా కాలనీలో గృహ స్థలాల పురోగతి, ప్రభుత్వ సంక్షేమ పథకాల అమలు, తాగునీరు, విద్యుత్, డ్రైనేజీ, రహదారులు తదితర మౌలిక సదుపాయాలపై సంబంధిత అధికారులతో సమీక్షించారు. అనంతరం కాలనీ వాసులతో నేరుగా మాట్లాడి వారి సమస్యలు, అవసరాలను అడిగి తెలుసుకున్నారు.

గృహ స్థలాలకు సంబంధించిన సర్వే ప్రక్రియను వేగవంతంగా పూర్తి చేసి, అర్హులైన లబ్ధిదారులకు పక్కా గృహాల నిర్మాణం త్వరితగతిన చేపట్టేలా చర్యలు తీసుకోవాలని అధికారులను ఆదేశించారు. కాలనీలో కనీస మౌలిక సదుపాయాలు నిరంతరం అందుబాటులో ఉండేలా చూడాలని స్పష్టం చేశారు.

లెప్రసీ బాధితుల సంక్షేమానికి ప్రభుత్వం ప్రాధాన్యతనిస్తోందని, వారు గౌరవప్రదమైన జీవనం సాగించేలా అవసరమైన అన్ని చర్యలు చేపట్టాలని కలెక్టర్ సూచించారు. నివాసితులకు క్రమం తప్పకుండా వైద్య సేవలు, అవసరమైన మందులు అందేలా ప్రత్యేక వైద్య శిబిరాలు నిర్వహించాలని సంబంధిత అధికారులను ఆదేశించారు.

ఈ కార్యక్రమంలో ఆర్డీవో జగదీశ్వర్ రావు, టౌన్ ప్లానింగ్ అధికారి సుమలత, తహసీల్దార్ శ్రీనివాస్, మున్సిపల్ అధికారులు, సర్వే సిబ్బంది, కాలనీ ప్రతినిధులు పాల్గొన్నారు.