అసాంఘిక కార్యకలాపాలను. రూపుమాపాలి - జిల్లా ఎస్పీ అఖిల్ మహాజన్

అసాంఘిక కార్యకలాపాలను. రూపుమాపాలి - జిల్లా ఎస్పీ అఖిల్ మహాజన్ 

అదిలాబాద్ : అక్షరతెలంగాణ : 

 -తలమడుగు, తాంసి పోలీస్ స్టేషన్లను పరిశీలించిన జిల్లా ఎస్పీ.

 - రోడ్డు ప్రమాదాల నివారణకు ప్రత్యేక చర్యలు చేపట్టాలి

 - కోర్టు డ్యూటీ విధులను నిరంతరం పర్యవేక్షిస్తుండాలి.

మహారాష్ట్రతో సరిహద్దుతో అదిలాబాద్. ఉన్నందున అసాంఘిక కార్యకలాపాలకు ఎలాంటి ఆస్కారం ఇవ్వకుండా పూర్తిగా రూపుమాపాలని జిల్లా ఎస్పీ అఖిల్ మహాజన్ ఐపీఎస్ తెలిపారు. శనివారం తాంసి మరియు తలమడుగు పోలీస్ స్టేషన్లను సందర్శించి జిల్లా ఎస్పీ సిబ్బంది తగు సూచనలు చేశారు. రెండు పోలీస్ స్టేషన్లో పరిధిలో ఎలాంటి రోడ్డు ప్రమాదాలు జరగకుండా ప్రత్యేకంగా డ్రంక్ అండ్ డ్రైవ్ టెస్ట్లు నిర్వహిస్తూ వాటిని అరికట్టాలని తెలిపారు. పోలీస్ స్టేషన్ కి వచ్చే ఫిర్యాదుదారులను గౌరవంగా వ్యవహరిస్తూ రిసెప్షన్ సెంటర్ నందు ప్రతి ఒక్క ఫిర్యాదుని నమోదు చేసుకొని బాధితులకు సత్వర పరిష్కారం అందించే దిశగా కృషి చేయాలని తెలిపారు. పోలీస్ స్టేషన్ ఆవరణ పరిశుభ్రతను కలిగి ఉంచుకోవాలని తెలియజేశారు. వచ్చే ఫిర్యాదుదారులకు కనీస సౌకర్యాలు ఏర్పాటు చేయాలని తెలిపారు. రెండు పోలీస్ స్టేషన్లో ఎస్ఐలు జిల్లా ఎస్పీకి పూల మొక్కలు అందజేసి స్వాగతం పలికారు తదుపరి పోలీస్ స్టేషన్ ఆవరణను పరిశీలించి జిల్లా ఎస్పీ పోలీస్ స్టేషన్లో మొక్కలు నాటడం జరిగింది. కోర్టు డ్యూటీ విధులను ఎస్సైలు నిరంతరం పర్యవేక్షిస్తూ కేసుల నందు శిక్షలు పడేవిధంగా కృషి చేయాలని తెలిపారు. నేరస్థులకు శిక్షలు పడినప్పుడే జిల్లాలో జరిగే నేరాల సంఖ్య తగ్గుముఖం పడుతుందని తెలిపారు. ఈ కార్యక్రమంలో ఆదిలాబాద్ డిఎస్పి ఎల్ జీవన్ రెడ్డి, ఆదిలాబాద్ గ్రామీణ సీఐ కె ఫణిదర్, ఎస్సైలు ధడక రాధిక, అంజమ్మ, సిబ్బంది తదితరులు పాల్గొన్నారు.