బలవంతంపు వసూలు చేస్తున్న ట్రాన్స్‌జెండర్ల అరెస్ట్- ఇన్స్పెక్టర్ కె. నాగరాజు

ఆదిలాబాద్ ఆర్టీసీ బస్టాండ్‌లో ప్రయాణికులను బెదిరిస్తూ, ఇబ్బందులకు గురిచేసి బలవంతంగా డబ్బులు వసూలు చేస్తున్న ఐదుగురు ట్రాన్స్‌జెండర్లను ఆదిలాబాద్ 2 టౌన్ పోలీసులు అరెస్ట్ చేయడం జరిగింది.

బుధవారం ఉదయం 10:30 గంటల సమయంలో బస్టాండ్‌లో ప్రయాణికులు బస్సుల కోసం వేచి ఉన్న సమయంలో కొందరు ట్రాన్స్‌జెండర్లు వారి వద్దకు వెళ్లి డబ్బులు ఇవ్వాలని డిమాండ్ చేస్తూ, డబ్బులు ఇవ్వకపోతే న్యూసెన్స్ చేస్తూ అవమానాలకు గురిచేస్తున్నట్లు బస్టాండ్ మేనేజర్ మిట్టపల్లి నారాయణ పోలీసులకు ఫిర్యాదు చేశారు.

ప్రజలను బెదిరించి, భయపెట్టి లేదా ఇబ్బందులకు గురిచేస్తూ బలవంతంగా డబ్బులు వసూలు చేస్తే చట్టపరమైన చర్యలు తప్పవని ఇన్స్పెక్టర్ హెచ్చరించారు.